Search This Blog

Loading...

Thursday, March 13, 2014

| February'14 Favourites | مفضلات شهر فبراير 2014 |

صباح / مساء الخير من البحرين

بعد غيبة عن البلوق والبوستات.. اليوم راجعة لكم ببوست مفضلاتي لشهر فبراير

وهي الأشياء اللي حبيتها وشفت روحي كررت أستخدامها وايد بهالشهر،،



راح أول شي أكتب أسامي الأشياء وبعدين الصور وبتكلم عن كل شي بروحه
-         شنطة مايكل كورس "سيلما"
-         عطر لانكوم لافي ايست بيل
-         واقي شمس كيو في
-         غسول الوجه آفين
-         كريم اليد وكريم القدمن من ايوكرن
-      ساعة مايكل كورس
-      اكسسوار ذهبي
-      تراجي جيفنشي
-      ماسكرا حواجي
-      شادو حواجب بودي شوب
-         فاونديشن إيسنز
-         بودرة نيكس
-         برونزر ذ بالم
-         بلاشر نارس
-         برونز/بلاشر ذ بالم بيتي لو
-         روج إيسنز البنفسجي
-         مرطب إي أو إس البطيخ الأحمر
-         رموش هدى بيوتي رقم 1 جيزيل
-         ماسكرا ريفلون
-         كحل كريمي لوريال
-         باليت نيكد بيسكس
-         سبري أربان ديكاي لتثبيت المكياج
-         محدد نيكس

صورة جماعية



أول شي سنطة مايكل كورس سيلما.. حبيت هالشنطة من أول ماشفت صورها وشفتها بمايكل الستي سنتر.. بس تحيرت بينها وبين لون ثاني عشان اللون ماكنت محصلة هاللون.. بعدين حصلته بموقع بلومنغ ديلز
عندهم شحن مباشر للبحرين رخيييص.. وكان عندهم تخفيض 10% لأول طلب من الموقع، طلع علي سعرها تقريباً 155 دينار بحريني ووصلتني بأقل من أسبوعين


الشنطة روووعة.. حجمها مناسب ونوعية الجلد هاي كوالتي.. وواسعة تشيل أشياء وايد، بس تحتاج شوي عناية لأنها جلد طبيعي فبسهولة تتبقع من السوائل مثل العطورات والمكياج وكريمات اليد!
كنت أدور هاللون دوارة.. البيج الغامج لأنه يناسب كل شي ويركب على كل شي.. أغلب الناس يفضلون الشنط السودا عشان تكون عملية بس انا بالعكس أحس الألوان الغامجة تخش موديل الشنطة أحياناً.
هالشنطة موجودة على طول بمايكل كورس وعلى حسب الموسم تنزل منها ألوان جديدة.. حالياً لأنه قريب موسم الربيع والصيف فنازل منها ألوان أخضر وأزرق وفوشي وأسود بأبيض وايد روعة.

عطر لانكوم شفته قبل فترة كانوا يعلنون عنه بالستي سنتر وعجبني.. 


 طلبته أونلاين من موقع نوردستروم بعد ماتحيرت بينه وبين لانكوم تريسر روز وآخر شي استقريت عليه، خذته بموسم الكرسمس بست الهدايا.. العطر والبودي لوشن والعطر الصغير بسعر $80 تقريباً 32 دينار بحريني + دفعت عليه شحن مادري كم بالضبط لان كان مع أشياء وايد.


مرطب وواقي من الشمس طبي من شركة كيو في... قوته حمايته من الشمس 30 ويناسب كل البشرات بمافيها الحساسة، وصفته لي دكتور الجلدية الجميلة من عيادة ديرماكير في مستشفى النور التخصصي، كنت أستخدم قبله سيتافيل بقوة 50 وكان قريب بيخلص وغيرت لهذا وفعلا وايد حلووو بسرعة تمتصه البشرة وأبداً مو ثقيل.. وترطيبه حلو مايدهن. سعره إذا ماخانتني الذاكرة 6 دنانير وشي وأنا شريته من العيادة بس يتوفر في الصيدليات مثل بوتس

غسول سائل للوجه من آفين.. من زمان سامعة عنه وخاطري أجربه وشريته أخيرا موجود بالصيدليات وانا شريته من بوتس سعره حوالي 9 دنانير.. خالي من الزيوت والعطور ومناسب لجميع انواع لبشرات وااايد حلووو وينظف بضمير ولا يجفف البشرة ولا يحسسها

كريمات اليد والقدم من ايوكرين هالماركة متوفرة في بوتس والصديدليات بس انا طلبتهم اونلاين.. كريمات طبية لترطيب الجلد ممتااازين واحلى شي فيهم ان البشرة تمتصهم بسرعة ومايلصقون ولا يوصخون،، اثنينهم بنفس المستوى ترطيبهم عجيب على الجلد الجاف

مرطب إي أو أس بطعم البطيخ الحلوو، هالمرطبات الحلوة انا عندي منهم كل الالوان عشان شكلهم الكيووت! وكل فترة اركز على استخدام واحد وهالمرة كان دور هذا.. ترطيبهم حلووو بس مايعتبر ترطيب عميق ولا علاجي! ولكنه يصلح تحت الارواج لانه مايلصق ولا هو سائل وايد

 سبري تثبيت المكياج من اربان ديكاي بعد=.. وصلني ميني مع طلبية نيكد 3 من عندهم.. لازالة لمعان الوجه واايد حلوو وهو اصلا من اسكندنافيا بس بتعبئة اربان ديكاي واسكندنافيا معروفين بجودة مثبتاتهم.. حبتيه انه صغيرون وينشال بالشنطة واقدر ارد اعبيه بسهولة لين خلص من سكندنافيا العود اللي عندي

والحين دور المكياج



قبل شهر وشي تقريباً يابوا عندنا ماركة إسنز أخيراً في صيدليات رويان.. هالماركة من الماركات الامريكية الرخييييصة بس جودتها عالية! أنا صراحة خميت منها خم فرصة لا تقاوم انه كل شي متوفر

أول شي من الماركة دخل بمفضلات هالشهر هو هالفاونديشن السائل من عندهم واللي عندي الدرجة رقم 3.. روووعة خفيف على البشرة وبنفس الوقت تغطيته ممتازة وتزيد مع الطبقات، وصج يثبت مايروح بسهولة ولا يدهن وايد.. وانا اوزعه باسفنجة ريل تكنيكس الجميلة

بودرة نيكس هذي خذيتها بالصدفة كانوا مسوين سيل بسنتر بوينت وحصلتها بدينار ونص بس! وشفت الدرجة مناسبة مايلة للاصفر فقلت التجربة ماتضر.. الدرجة رقم 6 واسمها ميديم بيج.. حبييتها تغطيتها حلوة متوسطة وتتوزع بالفرشاة تعطي مظهر طبيعي تنفع للدوام والطلعات السريعة، ماتتكتل على الويه.. واضح كثر استخدامي لها اني حكيتها ووصلت للقاع لووول

بروزنزر ذ بالم.. هالبرونزر معلقة عليه أكثر من شهرين! جميييل استخدمه للكونتور بفرشاة دقيقة وبعدين استخدمه بفرشاة البودرة كلمسة نهائية، لونه حلوو مب مايل للبرتقالي ولا للاحمر.. وحتى يصلح كآي شادو للدمج في الكسرة او لتحت العين، ماشيله من شنطة مكياجي دايماً معاي

برونزر وبلاشر بيتي لو من ذ بالم.. انا من يومي ماحب ابداً البرونزرات اللي فيهم لمعة، بس هذا حبيته كبلاشر فوق الكونتور يعطي مظهر حلووو.. وممكن لو استعمل بخفة واندمج عدل بفرشاة الاضاءط يعطي اضاءة برونز حلوة، هذا توام ماري لو الصدفية الجميلة وهالمرة نزلوا سيندي لو بيتشي روزي.. بشتريه إن شاء الله واتوقع بمستوي ماري وبيتي

بلاشر نارس جينا.. الحب الحب هذا من يابته لي رفيجتي من تايلند وانا مايمر اسبوع بدون ماستخدمه.. بس صارله فترة على طول بشنطة مكياجي.. لونه بيتش مات بدون لمعة واايد حلووو استخدمته علي وعلى كذا وحدة من ربعي يناسب كل الوان البشرات ويناسب اللوكات اليومية والثقيلة

والبلاشر الثاني سيود من سليك.. ماركة بريطانية تنباع اونلاين والتاجرات يوفروناه لونه بروزني على بنك مطفي وطبيعي وايد وايد أحبه

الشي الثاني من ماركة إيسنز الروج البنفسجي..اللون البنفسجي خصوصا في الارواج كان موضة السنة اللي طافت وكل الماركات تقريباً نزلت ارواج بنفسجية، هاللون من اسنز من شفته سحرني وفعلاً جمييل حتى ربعي من شافوه عندي شروه.. لونه بنفسجي على وردي ابداً مب فاقع ويناسب مع البرونزرات والبلاشرات اللي قلت عنهم فوق ومع الشدوات البيجية البنية.. واحسه يناسب كل البشرات

رموش هدى رقم 1 اسمهم جيزيل.. أخيراً صاروا ينباعون بسيفورا عندنا.. حبيييتهم وطبعاً يستخدمون اكثر من مرة سعرهم 7 دنانير.. وايد يبينون طبيعيين من احطهم دايما أنسأل عنهم ولا يتعبون العين ولا تحسين فيهم ثقال.. أكيد بشتريلي منهم أرقام زود لأن جد من أحلى الرموش اللي استخدمتهم

ماسكرا ريفلون طلبتها من فترة من عقب مامدحتها مي المؤيد (ذا ميكب مانول) وصج حبيتها حلووو خصوصا بعد ثالث طبقة تكثف الرموش بشكل جميل.. وماتتعب بالمسح تنمسح بسهولة بالميكب ريموفر

كحل لوريال الكريمي من نزلوه في دراقستور طلبته بعد ماكنت استخدم مايبلين وكلينيك.. حبيته سواده عجيب يخط بسرعة ومايسيح ويتم مدة طويلة وماينشف بعد، وقوامه حلوو لا هو يابس وايد ولا وايد سائي

باليت نيكد بيسكس من اربان ديكاي هالباليت الصغيرون دايماً معاي بشنطتي لان الوانه تنفع للطوارئ سواء لللآي شادو او للاضاءة او للحواجب.. للوكات السريعة وللدمج مع الوان ثانية ممتاز ماستغني عنه

لحواجبي هالشهر أكثر شي حبيته... ماسكرا الحواجب خذيتها من مدهش كاركتر ومادري جمم رقمها بس يتميز هو افتح لون.. ومثل ماتشوفون غطاها انكسر لوول فاستخدماه بفرشاة تمشيط الحواجب.. تخلي لون حواجبي فااتح.. وفوقها استخدم شدو بودي شوب اللون البني اللي فيه غامج فاستخدمه بضربات خفيفة

وأخيراً محدد نيكس اللون الموف سبقت وتكلمت عنه بانستقرامي هاللون عجيييب استخدمه تحت الالوان النود او تحت الالوان الفاقعة عشان يهديها! وايد درجته حلوووة وحتى بروحه ساعات أحطه



ومن الاكسسوارات.. أكثر شي لبسته هالشهر 3 قطع وبالصدقة كل الالوان المعدنية ذهبي وفضي وروز قولد لووول



الساعة من مايكل كورس إذا ماخاب ظني اسمها رانوي طلبتها أولناين بس موجودة هني.. حجمها عود بس مو دفشة وانيقة باللبس.. انا يدي ضعيفة فالساعة من هالديزاين تناسبني.. في منها نفس الشكل بس حجم وايد اكبر، وتتوفر بعد باللون الفضي والذهبي سعرها حوالي 120 دينار أونلاين بس أنا أخذتها بسيل حوالي 85 دينار بدون الشحن

تراجي جيفنشي اللون الفضي طلبتهم من نوردستروم وايد حلوين وناعمين مع فص كبير سوارفسكي وفصوص صغيرة.. لمعتهم حلوة والتراجي حلوين يناسبون للبس اليوم والمناسبات البسيطة، موجود منهم لون ذهبي بعد وايد حلو خذناه لرفيجتي بعيد ميلادها

وآخر قطعة.. قلادة ذهبية مطفية اخذتها من معرض الخريف من محل كويتي.. واايد حلوة على العبايات / التوبات / القمصان بشرط يكونون سادة لون واحد وبدون اي تطريز ولا شي.. لانها كبيرة ونازلة شوي فتحلي القماش السادة خصوصا اءا كان لونه أبيض / بيج / بطيخي / أسود


ووبس هذي كانت مفضلاتي لشهر فبراير
شنوو عجبكم منها؟ شنو اللي تتفقون معاي فيه؟ شاركوني

إن شاء الله بحاول ألتزم أنزل مفضلات كل شهر ببوست جذي
 لأي سؤال أو استفسار.. اسألوني بالآسك
أو انستقرامي
@Sanooya

سلااام :**

Sunday, October 20, 2013

[ October Mega Haul! RiRi Hearts MAC / Urban Decay / theBalm / Tarte Review & Swatches ] مشتريات أكتوبر المكياجية

صبااحكم / مساكم ورد من البحرين  
البوست اليوم طويل ودسم نوعاَ ما.. حبيت أدمج مشتريات كذا ماركة مع بعض لأن أعرف إذا نزلت وحدة بروحها بتكيسل ومابنزل الباقي،،  

كالعادة مشترياتي كلها أونلاين وفي النهاية بحط كل ماركة من وين شريتها وشكثر كلفني مجموع الشحن 

Good Morning / Good Afternoon from Bahrain  

Today my post is long & pictures heavy.. I will post hauls from different brands all together in one post because If I post one by one I will get lazy and will delay the rest! 

As usual I always do my makeup shopping online, I will post about the prices and shipping details later. 

نبتدي بكولكشن ماك ريهانا..  
طبعاً الكولكشن ضرب الحطب عليه هههههه وهو الكولكشن الثالث وقبل الأخير من كولكشن ماك ريهانا.. وياي بسبشل باكجنغ باللون الروز غولد 

First I will start with the long waited Riri Hearts MAC Collection, which is the 3rd out of 4 total Rihanna Collections, this was the fall collection and it had a Beautiful Elegant Shiny Rose Gold Package which I loved as Rose Gold is my favorite.  

أنا خذيت منه 5 أشياء.. البروزنر البلاشر ديو، البلاشر، الإضاءة الكريمية، روج ريري وو وفرشاة الويه الديو فايبر 187  

والكولكشن كان فيه أشياء ثانية مثل 3 أرواج، أقلام حواجب، باليتين شدو، رموش، محددات، أقلام كحل وقلوسات 

I got 5 items, the Blush/Bronzer Duo, Blusher, Cream Color Base, Lipstick & the 187SE Brush.  

The collection contained 3 more lipsticks, Brow pencils, 2 Eye shadow Quads, lashes, lip liner, eyeliners and gloss.  


صور جماعية للكولكشن الجميل 

أكثر شي حبيته فيه الباكجنغ.. وايد أحب اللون الروز قولد وفي الكولكشن طالع راااقي جنه إكسسوار 

Group Picture.. I’m so in Love with the Pink & Rose Gold Packaging. 











البلاشر برونزر ديوو.. حلوو لون البلاشر وردي متوسط بس مب وايد فاقع والبرونزر شوي مايل للبرتقالي بس مات بدون لمعة ومنقوش عليه توقيع ريهانا 

Hibiscus Kiss Blush/Bronze Duo, the blusher is a beautiful pinky color and the bronzer is a matte brownish orangey printed with Rihanna’s “RiRi” signature  





البلاشر "باد جيرل جون جود" وايد حبيت لونه يناسب البشرات العربية والخليجية خصوصا.. صاير مشمشي غامج على طوبي.. أتخيله حلووو مع أغلب اللوكات ويناسب أي لون روج وشدو  

Bag Girl Gone Good Powder Blush is described as a warm copper, I loved the color it suits every skin tone and goes well with any shadow and lipstick color. 






الإضاءة الكريم كولور بيس إسمها دايموندز.. لونها مثل ماتشوفون.. وايد حبيت لوناه واتخيلها حلووو خاة الحين جريب الشتا فوق فاونديشن ليكود او كريمي،، انا ماقط جربتهم الكريم كولور بيس من ماك بس وايد سمعت مدح عليهم.  

Diamonds Cream Color Base is a Golden Shimmer, I’ve never tried MAC CCB before but I loved the color and I can imagine it over liquid or cream foundation.. beautiful specially in winter. 







روج ريري وو هالروج هو الأساسي تقريباً في الكولكشن ونازل ثالث مرة وبينزل مرة رابعة بعد.. لونه مثل ماتشوفون أحمر مطفي ريترو مات.. شبيه لروج روبي وو البيرمننت من ماك.. بصراحة انا ماحط روج أحمر بس خذيته عشان الباكجنغ :$ 

RiRi Woo Retro Matte collection, Okay I never wear red lip stick, but I couldn’t pass this beautiful packaging: $ 







وأخيراً فرشاة 187 بالحجم الصغير.. هالفرشة من فرش ماك المشهورة لها استخدامات متعددة، لليكويد فاونديشن، لتوزيع اللباودر، البرونزر او الاضاءة. حبيتها بباكجنغ الكولكشن بيبي بينك وايد أنيقة.  


Finally MAC 187SE brush, yes I also bought this for the packaging but I will be using it, it can be used to apply liquid products or powders like powder, finishing powders, bronzers and so. 




وهذول سواتشز الكولكشن.. الروج سويته سواتش من الطرف بس عشان ما اخرب شكله هههههه  

And these are the swatches 






هالكولكشن طلبته من نوردستروم وشحنته على شركة ماي يو إس،، الاسعار بالدولار وزيادة على السعر دفعت حوالي 6% ضرائب.. البلاشر برونزر ديو $29، البلاشر $23، الإضاءة الكريمية $22  الروج 16.500$  والفرشاة $42  

لتحويل السعر من الدولار للعملة المحلية: 

الكولكشن حسب التخطيط وحسب معلومات ماك المفروض إنه ينزلونه حول العالم بس مادري إذا بينزل أكيد في الخليج ولا لاء. بس للحين بعض الاغراض موجودة في نوردستروم بس يحتاج صندوق أمريكي  


I ordered the collection from Nordstrom and got them shipped through MyUS www.MyUS.com  

Prices: Blush/Bronze dup $29, Blush $23, Cream Color Base $22, Lipstick is $16.50 and the brush is $42, I also paid arounf 6% as Sales Tax.  

You can convert it to any currency www.xe.com  

The collection is supposed to be launched around the world but I’m not sure if we will be getting it in GCC, but some items are still available in www.Nordstrom.com  


الماركة الثانية هي الجميلة أربان ديكاي وكولكشنهم للهوليدي هالسنة..  

الكولكشن نازل فيه كذا شي.. بس اختياري مثل اللعام كان باليت فايس 2 وعلبة أقلام الكحل الملونة أوجو لوكو 2  

Second are the amazing brand Urban Decay and my picks from their beautiful holidays collection 

It contained many things but for now I got Vice 2 & Ocho Loco 2 

الاصدار الثاني من باليت ذا فايس فيه مثل الاول 20 شدو جديد.. العلبة مشابهة للعام بلون بنفسجي بس هالمرة ملمسها بلاستيكي.. عملية أكثر وسهلة التنظيف عكس اللعام كانت سادة وملمسها قريب للشامواه بسرعة تتبقع. 

Vice 2 is like the first, has 20 Eye shadows, in a purple palette like last year but this year it’s is a plastic which much better to clean and doesn’t stain easily.  









وفيه فرشاة بجهتين جهة للشدو وجهة للدمج.. 

With a double ended eye brush to Apply and Blend Eye Shadow.  




الحلووو فيه إنه شامل كل الألوان، مطفية وبلمعة، تدرجات الالوان الفاتحة، الغامجة، الترابية والملونة.. ألوانه مقاربة لبعض الدرجات من الباليت الأول..  

كل الألوان جميييلة ووايد حبيت تدرجات البني واللون الكحلي والزيتي.. حلوين للوكات الشتوية  

What’s nice about it is that it contains 20 different eye shadows, Mattes, Metallic & shimmers, Light and dark shades, some are similar to last year’s colors 

Overall the colors are very beautiful especially the browns, dark green and navy blue… perfect for winter looks. 










سواتشز للالوان بالفرشاة اللي مع الباليت وبدون بيس.. اللون قوي وواضح وناعم واضح انه يندمج بسهولة.. وممكن يتغمج اللون بزيادة الطبقات 

Colors swatched by the provided brush without base, vibrant velvety colors, very blendable and lighter shades can be builded up.  





ست أقلام الكحل.. أقلام كحل أربان ديكاي الملونة صاروا المفضلين عندي بعد ماجربتهم بالاصدار الاول من الست السنة اللي طافت.. الألوان واضحة وعجيبة وتخط داخل وبرة العين.. وتدوم لمدة طويلة فعلاً مو بسهولة تروح خاصة الدرجات الغامجة 

هذا الست فيه 8 أقلام.. ألوان موجودة على طول و5 ألوان جديدة وحصرية للست..  
روتش (بني نحاسي بلمعة).. توايس بيكد (بني بلمعة ذهبية) .. كريف (بني غامج مطفي).. بيرفيرشن (أسود مطفي).. ديب إند (تركواز شيمر)..  مارس (أخضر بترولي ميتاليك).. ألترا فايولت (بنفسجي فاقع بلمعة).. تورنادو (باذنجاني) 

Ocho Loco 2.. Urban Decay 24/7 eye liners became my favorites after getting Ocho Loco 1 last year, the are vibrant and great for water line or on lash lines and long lasting specially the darker shades.  

This set includes 8.. 5 new & exclusive to the collection & 3 Permanent.  

Roach (Deep Copper Brown).. Twice Baked (Rich Brown Satin).. Crave (Deepest Brown-Black Matte).. Perversion (Black Matte).. Deep End (Bright Metallic Peacock).. Mars (Bright Metallic Green Shimmer).. Ultraviolet (Bright Blue-Violet Shimmer) & Tornado (Dark Eggplant Pearl). 







وهذي سواتشز الاقلام  

& here are the swatches 



مع براية بجهتين للاقلام العادية والعريضة.. البراية ممتازة جربتها مع أقلام كحل ومحددات وأقلام شدو من ماركات مختلفة  

With a Duo Sharpener, I used mine from the first Ocho Loco for different eye liners, lip liners, shadow stick and it works great.  



ولأني كنت طالبة من سيفورا، فطلبت معاهم برونزر بلاشر ديو من ماركة تارت شفت له صورة ووايد حبيته ومن حظي إنه كان للحين موجود لأنه لمتد إدشن وحصري أونلاين بس، مقسوم نصين نص بلاشر من بلاشرات تارت المشهورة اسمه دول فيس وردي حلووو والنص الثاني برونزر مطفي  بارك إيف آفنيو وايد حلووو.. علبته من برة أنيقه وحجمه وايد كبير راهي.. يصلح لهدية.. أو لمدمنات المكياج مثلي 

Snc eI got those from Sephora, I also ordered Tarte Power Couple Amazonian Clay Blush & Bronzer DUO, I saw a picture and I was glad to find it because it's limited edition & available online only, the blush is Dollface a lovely pink ad the Bronzer is Park Eve Princess which is a matte shade, the box is very big ad beautiful.. perfect as a gift or for collectors like me 







سعر الباليت وست الكحل $59 دولار للواحد، والديو من تارت سعره $30. طلبتهم من موقع سيفورا الأمريكي أحياناً يقبل صناديق الشحن وأحياناً يرفضها..  ودفعت ضرائب 6% تقريباً والشحن كانت على شركة ماي يو إس. 

لتحويل السعر من الدولار للعملة المحلية: 

The Palette and Eyeliners both retail for %59 each, Tarte DUO is $30. Got them online from Sephora, paid around 6% sales tax and got them shipped by MyUS 

You can convert it to any currency www.xe.com  


الماركة الثالثة والأخيرة لليوم.. ماركة ذا بالم.. قبل أسبوعين تقريباً كان عندهم تخفيض 50% لمدة ثلاث ساعات تقريباً.. فاستغليت الفرصة وشريت أشياء كانت ببالي من زمان من عندهم.. 

صورة جماعية للاغراض اللي شريتهم.. ومعاهم برونزر باهاما مات بس بعد ماخلصت التصوير انتبهت اني نسيته -_- أحب بوكسات ذا بالم عليهم رسومات حلووه جنهم مأخوذين من مجلة  

Third and last brand for today.. theBalm, they had a special 50% offer for only 3 hours couple of weeks ago and I got things I wanted for a long time! 

Group picture, after taking it I figured that I forget including Bahama Mama Matte bronzer! I love their packaging.. like an old romantic comics 





اول شي باليت ميت مات.. باليت فيه 9 ألوان كلها مطفية وبتدرجات مختلفة من زمان سامعة عنه وحبيت فكرته إنه كله ألوان مطفية.. الألوان المطفية مثالية للدمج وللوكات اليومية..  

First is Meet Matte Eye shadow palette, contains 9 matte eye shadows, I wanted to get it because matte shadows are perfect for blending and for daily no makeup looks  






وهذول سواتشز الألوان بدون بيس.. عجييب ملمس ووضوح الألوان  

Here are the swatches without primer.. great color payoff.  



ومن بلاشراتهم خذت لونين من البلاشرات الباودر ولون من البلاشرات الستين اللي تتم مدة طويلة على البشرة.. بلاشراتهم تستخدم كبلاشر وكآي شادو بنفس الوقت 

I got 3 blushers, 2 powders & 1 In Stain, their blushers are multi use Blush/Shadow. 

البلاشر الأولي كابانا بوي.. لونه روز هادي واايد حلووو 
Cabana Boy is a beautiful dusty rose blush 




الثاني فرات بوي مشمشي درجتي المفضلة في البلاشرات جمييل خاصة مع برونزر  

Frat Boy is a Peachy Blush which is my favorite color in blushers.. especially when used with bronzer.  



الثالث الستين الدرجة هوند ستوث ولونه بلامي على موف.. عجيب للشتا ودرجة مميزة مو مكررة 

I got Houndstooth InStain Blush. .which is a nice Mauve color




إضاءة ماري لو من أحلى الإضاءات الصدفية.. بس من الصدف العجيبة إني قبل سنة تقريباً طلبتها من موقع غير ومع شركة شحن غير ووصلتني متكسرة وصلحتها بالكحول وتميت استخدمها.. هالمرة طلبتها من موقعهم ومع شركة شحن ثانية ووصلتني منتفة تنتف.. رغم انه كل شي بالكرتون سليم! وبرد اصلحها بالكحول لانها فعلا اضاءة تينن حرام أقطها.. تستخدم كاضاءة وكاي شادو بعد 

Mary-Lou Manizer is one of my favorite pearl highlighters.. but in a very weird coincides, last year I ordered it from a different site, shipped it with different company and I received it smashed and fixed it with Alchohol to use it, this time I also received it smashed! It was the only thing in the box that got hurt! 


  

 بيتي لو أخت ماري لو.. برونزر ويستخدم كشدو بعد.. انا ماحب البرونزرات اللي فيهم لمعة عادة بس هذا حسيته حلوو مع البلاشر..  

Betty Lou Manizer is Mary Lou’s sister, a beautiful bronzer that can be used as an eye shadow and blush as well, I always prefer matte bronzers but I think this will be beautiful with peach blushers.  



برايمر الآي شادو إسمه بوت آ لد أون إت.. سمعت عنه وايد مدح وحبيت أجربه  

Put a Lid on It is an Eye shadow primer, heard good reviews about it so I got it



وأخيراً مزيل المكياج بالمز أوي.. مزيل للمكياج ملمسه مثل الفازلين يستخدم لتنظيف المكياج مع القطن  

Finally Balms away eye makeup remover.  



بالاضافة لبرونزر بهاما ماما اللي نسيت اصوره.. برونزر مات يصلح ككونتور وكشادو وكبلاشر..  

And Bahama Mama which I forgot to photograph.. a matte Bronzer/Shadow 


هالاغراض أخذتها من موقعهم، عندهم شحن دولي بس أنا شحنتهم مع باقي الأغراض على صندوقي ماي يو إس ماحبيت يتأخرون..  




الأسعار بعد التخفيض كانت: باليت ميت مات بـ $21، البلاشرات الباودر  $10.5 للواحد، البلاشر الستين $11، ماري لو وبيتي لو $12 الوحدة، برايمر الشادو $9 بالمز أوي المزيل $10، والبرونزر المات بهاما ماما $10 

السعر الأصلي دبل لكل شي،،  

لتحويل السعر من الدولار للعملة المحلية: 

I got them from their web site www.thebalm.com, the have internationall shipping but I got it forwarded by MyUS box with the others because I didn’t want to wait.  

Prices after sale are: $21 Meet Matte, $10.5 Powder Blushers, $11 InStain, Mary-Lou & Betty Lou $12 Each, Put a Lid On It $9, Balms Away $$10, Bahama Mama $10 

Original Prices are double for everything  

You can convert it to any currency www.xe.com  


وهذي كانت نهاية الريفيوز بمشترياتي من هالثلاث ماركات لشهر أكتوبر..  
إذا عندكم أي إستفسار حياكم بالآسك،، ونوروني بكومنتاتكم 

That’s It for Today, If you have any Inquiries AskMe.. and leave a comment